Página:Las siete partidas del rey Don Alfonso el Sabio (1807).djvu/178

De Wikisource, la biblioteca libre.
Esta página ha sido corregida
106
LIBRO III.
TITULO VII.



DE LO QUE GANAN EN LAS HUESTES, E EN LAS CAVALGADAS COMO LO DEVEN PARTIR.

Una de las cosas que deven seer mucho guardadas[1] es fecho de guerra, e partir lo que ganaren bien. Ca asi como el cabdellamiento que dixiemos les da esfuerzo e poder para venir a lo que cobdician, asi el bien partir lo que ganaren, les da la voluntad de saber para acometer aquello que quieren acabar. E bien asi como el cabdiello allega las personas de los omes que sean como unos por poder, otrosi el bien partir ayunta las voluntades e los corazones dellos en uno por amor. E porque el partir non puede seer a menos de ganar primero, e el ganar es de muchas maneras, tenemos por bien de las mostrar ante que fablemos de la partición. Ca o ganan los de las huestes, e de las cavalgadas, corriendo la tierra e robandola, o ganan quebrantando villas o castiellos, o otros lugares, o venciendo batalla, o fazienda o lid. E cada una destas diremos como deven fazer, e en qual manera deven dar al rey su derecho, o al otro señor, o a cabdiello que ovieren, e como devenlo al[2] partir entre si. Pero pues que mostramos quantas maneras son de cavalgadas, por fazer entender abiertamiente como deve seer partido lo que ganaren, tanbien en las huestes como en las cavalgadas, por que destas nacen todas las maneras de guerra que seer pueden, e en ellas mismas tornan. Onde dezimos, que las cavalgadas se fazen destas quatro maneras. Ca o sallen de hueste, o de otro lugar ô es el rey, o de otra hueste en que es otro cabdiello por el rey, o sallen de villa o de castiello, que es heredamiento de alguno, pero es en señorio del rey.

LEY I.
Como deven facer de lo que ganaren en cavalgada que salga de hueste de rey y e como se deve partir.

 De aquellos que ganan alguna cosa corriendo la tierra de los enemigos, e robandola dezimos, que si esta corredura, o esta cavalgada moviere de la hueste en que rey fuese, que todo quanto ga- naren por robo o por otra manera qualquier, deve seer todo[3] aloga-

  1. en fecho de guerra, es partir, 2.° cod.
  2. que fincare, 2.º cod.
  3. allegado, 2.° cod