debe seer sofrido en oyr bien lo quel dixieren, e mesurado en non se rebatar en dicho nin en fecho.
Las leyes dan paz e folgura e fazen los omes de buena vida e bien costunbrados e fazenlos ricos que cada uno aya sabor de lo suyo e non de lo ajeno e castigan el mal e dan galardon del bien e acrecientan el señor e[1] amuchiguan las gientes e muestran carrera a los omes para ganar amor de Dios.
Muy grande es a maravilla el pro que aduzen las leyes a los omes ca ellas les amuestran conoscer Dios e conosciendol sabran en que manera le deven amar e temer. Otrosi les muestran conoscer su, señor natural en que guisa le deven seer obedientes e leales. Otrosi muestran como los omes se amen unos a otros queriendo el uno para el otro su derecho guardandose del non fazer lo que non querie quel feziesen. E guardando bien estas cosas viven derechamiente, e an folgura e paz, e aprovechase cada uno de lo suyo, e an sabor dello las gientes, e amuchiguase el pueblo, e acreciéntase el señorío e enriqueze.
Leye tanto quiere dezir como castigo e enseñamiento escripto que lega a ome que non faga mal o quel aduce a seer leal faziendo derecho. E fuero tanto quiere dezir como ley derechamiente usada por luengo tiempo por escriptura o sin ella. E postura es llamada todo partimiento bueno que face el rey o otro por su mandado, o lo fazen los omes entre si, e es a pro comunal de la tierra o de algunos logares senalados e después otorgalo el rey e confirmalo por privillegio o por carta o mándalo guardar.
El entendemiento de las leyes deve seer conplido e sano, e ro-
- ↑ el original dice, amuchigua, muestra.