Moro Rasis: 43
43. Agora vos quiero contar, que Dios nos quiera ayudar á mi et á vos: Fallamos, et nos sabemos en verdat que en Espanya non ha mas de tres sierras, que traviessan la tierra de mar á mar, et non y corre rrio que parta ninguna dellas. Et en ellas yazen muchos castillos, et muy buenos; et son tierras de mui grant pro, et ahondadas de muchas buenas cosas: de las quales es la una, la primera, la de Cordova, et viene de la mar que media la tierra, en derecho de Oriente de los moros, et va por Valencia[1] et Beja et por Estumba et por el Algarve, et entra en la grant mar de Occidente.
- ↑ Valencia en el Oriente y Beja en el Algarve no pueden conciliarse. Ademas , si aquí se trata, como parece, de la Sierra Morena, no es esta ni con mucho la dirección que lleva.