Contrario de Eva, ave
De los cielos puerta é llave,
Rruega al tu Fijo suave
Que me oya mi rrogança.
Este desir fiso é ordenó á manera de loança al Ynfante [1] Alfonso Alvares de Villa Sandino, dando muy grand loança del dicho Ynfante, é contra todos los trobadores que le den grand loança.
Fablen poetas de aquí adelante,
Los trobadores que estavan callando
Abran sus bocas é canten, loando
Las altas proesas del gentil Infante;
E si preguntaren quién es, bastante
Sepan que es arbol de grand maravilla,
Tio del alto leon de Castilla,
E de la lyna Rreal de Levante.
Este es lyndo syn toda mansilla,
Fijo é nieto de Rreyes notables,
De Rreynas loadas e muy onorables
Por partes d'España é aun de Seçilla:
Así que meresçe la su alta sylla
Ser ensalçada sobre cuantas sson
Agora en España, por donde Aragon
Será afregido, sy non se le omilla.
Aqueste es perfetto en todas las cosas,
Tanto qu'el mundo lo preçia é lo ama;
Aqueste meresçe primero en la fama
Por ver las sus manos fuertes é fermosas.
Por muchas virtudes é maravillosas,
- ↑ Don Fernando, el de Antequera.
