Página:El Supremo Director del Estado de Chile a los naturales de Perú.djvu/2

De Wikisource, la biblioteca libre.
Ir a la navegación Ir a la búsqueda
Esta página no ha sido corregida

corruco, ñocaico uccupi cutí ticraspa manaña lloccincho España llacctaman. Hinam ari, cay misqui cusicausaita auccanchiscunata, allpac sonccompi chincarichispa, ña samarispaña, ña cusicuspaña, chay manchay llactay quichispi guequencuanmi pampata chaschuscan--guauqueiquicuna, ñicta uyarispa, cusi causaita saquespa, ña ñacarec ña maccanacoc. Quitollactamanta, Potosillactacama cai munacc sonccoycu aisariguaycuña. Ima mantac rinqui mosocmanta ñaccarcc ñispa tapuycunacuicu. Piñacuspan cutichihuancu, guauquenchiscuñan manchay, manchayta, manan yanapacninta tariita atispa, guañuy llahuañan ampinacuncu Cochabampi, Punopi, Chuquiagopi, Coscapi, Chuquisacapi, Quitopi, Guamangapi llapan ucchuy llacctacunapihuampas: Chay yaguargueque ccochapin tuituscan Pumaccaguac tullun, Angulocpa, Camargocpa, Cabezaspa, José Gabriel Tupamarucpa; manan yuyaí canchu chaícchica manchaypuitu Apucunac sutímpac. Caicunac muchaínintacmi Pachaccamácpa ccayllampi cutichimuanchis aucanchiscunamanta quesppinanchispac. Cutirisun ari, muchaicusun ari imainan Apunchiscunata uyarin, hinatacc ari ñocanchistapachas uyarihuasun. Hina ari tucucunca putinanchis, hanchinanchis, mana astaguan naccahuasunchisñachu, manaña guauquenchista guaguanchista soncconchismanta quechuspa, ñoccanchis ucullapitac fiierro (sic) guascacuna huan guatahuasunchu; manchay mana sacsac pucacuncacunari mana astaguan camachihuasunñachu.

Chayamusunquichisñan Diosninchispa ccuyayninhuan camascan mitta, paipa justiciamraycu cusi causacunayquichispac Peruanocuna; ñocaicu guauqueyqui Chilenocunari, ñatacmin camaricuscaicuña, mana guañuytapas ñahuicupi cascactin manchaspa, cancunata yanapanaycuraycu, uccuicumanta horcorcocuspa Mamacochapi pahuac guasicunata hascata churaicu, sinchi atuchac hilla payocmi sapa guasi, atunmanta huchuicama. Cai guasicuman auccanchiscuna amocta chincarichispa, iman munascanchista maipi ccactinchispas, hagua llactamanta aparcamonca. Paycunaraicutacmin cusi causaininchis mana tucucuncachu, ñatacmi Chacabucopi, Maypopi auccanchiscunata ccosñita hina chincari-